शेख सगिर (Sheikh Sagir)

रास्वपाबाट निर्वाचन लड्दै गर्दा उनले आफ्नो शिक्षा र सरकारी सेवाको अनुभव रौतहटको शिक्षा, सामाजिक अवस्था र आर्थिक अवस्था सुधारमा केन्द्रित गर्ने बताएका छन् ।

राष्ट्रिय स्वतन्त्र पार्टीले रौतहट क्षेत्र नम्बर २ को प्रतिनिधिसभा मैदानमा शेख सगिरलाई उतारेको छ । ४५ वर्षीय सगिर रौतहट परोहा नगरपालिकाका स्थायी बासिन्दा हुन् ।

त्रिभुवन विश्वविद्यालयबाट स्नातकसम्मको अध्ययन गरेका उनी पेसाले पूर्वकर्मचारी र विद्यालय सञ्चालक समेत हुन् । उनीसँग विभिन्न शैक्षिक संस्थामा अध्यापन गरेको अनुभवसमेत छ ।

यस क्षेत्रमा अघिल्लो निर्वाचनमा रास्वपाको प्रत्यक्षतर्फ उपस्थिति थिएन । त्यसकारण पार्टीका लागि यो नयाँ परीक्षणसमेत हुनेछ ।
रौतहट-२ मा गत निर्वाचनमा विजयी किरणकुमार साहसहितका नेतासँग सगिरको प्रतिस्पर्धा हुनेछ । सगिरले राजस्व प्रशासनमा रहेरसमेत काम गरेका थिए ।

पुराना राजनीतिक शक्ति र नेताको अगाडि सगिर नयाँ विरासत कायम गर्ने योजनामा छन् ।

रास्वपाबाट निर्वाचन लड्दै गर्दा उनले आफ्नो शिक्षा र सरकारी सेवाको अनुभव रौतहटको शिक्षा, सामाजिक अवस्था र आर्थिक अवस्था सुधारमा केन्द्रित गर्ने बताएका छन् ।