रवि लामिछाने (Rabi Lamichane)

राष्ट्रिय स्वतन्त्र पार्टी (रास्वपा) का सभापति रवि लामिछाने चितवन–२ बाट तेस्रो पटक प्रतिनिधि सभा सदस्य उम्मेदवार बनेका छन् । २०७९ को निर्वाचनमा चितवन २ बाट निर्वाचित लामिछाने नागरिकता विवादपछि पद गएको थियो । पछि २०८० मा भएको उपनिर्वाचनमा पनि उनी सोही निर्वाचन क्षेत्रबाट निर्वाचित भएका थिए ।

२०७९ असारमा पार्टी खोल्नु अघि लामिछाने टेलिभिजनमा काम गर्थे । सहकर्मी शालिकराम पुडासैनीले नारायणगढको एक होटलमा आत्महत्या गरेपछि लामिछानेमाथि आत्महत्या दुरुत्साहनको मुद्दा चलेको थियो ।

नागरिकता, दोहोरो राहदानी, सहकारी ठगी तथा संगठित अपराधसम्बन्धी मुद्दामा उनी मुछिएपनि नागरिकता र दोहोरो राहदानीमा उनले सफाई पाइसकेका छन् । गत ३ वर्षको अवधिमा २ पटक उपप्रधानसहित गृहमन्त्री भएका लामिछाने फागुन २१ अघि उनीमाथिको मुद्दा किनारा नलागे निर्वाचित भएको खण्डमा संसदको सपथ भने खान पाउने छैनन् ।