विराज भक्त श्रेष्ठ (Biraj Bhakta Shrestha)

काठमाडौं क्षेत्र नं. ८ बाट गत २०७९ को निर्वाचनमा सानदार जित हासिल गरेका विराजभक्त श्रेष्ठ अहिले पुनः सोही क्षेत्रबाट राष्ट्रिय स्वतन्त्र पार्टी (रास्वपा) का उम्मेदवारका रूपमा चुनावी मैदानमा छन्। विवेकशील साझाबाट सुरु भएको उनको राजनीतिक यात्रा, बागमती प्रदेशसभा सदस्य हुँदै संघीय सरकारको युवा तथा खेलकुद मन्त्रीसम्म पुगेर अहिले पुनः नयाँ चुनावी परीक्षाको घडीमा आइपुगेको छ।

'बिजनेस एड्मिनिस्ट्रेशन'मा स्नातक गरेका श्रेष्ठले आफ्नो करियरको सुरुवात होटल-रेस्टुरेन्ट व्यवस्थापन र विभिन्न परियोजनाहरूमा जागिरेका रूपमा गरेका थिए। उनको सार्वजनिक छवि २०७२ सालको महाभूकम्पपछि फेरियो।

त्यसबेला उनले नेतृत्व गरेको स्वयंसेवक टोलीले राहत संकलन, वितरण र मुस्ताङदेखि बर्दिवाससम्म विपन्न समुदायका लागि स्वास्थ्य शिविर सञ्चालन गरेको थियो।