देवेन्द्र पौडेल (Devendra Paudel)

२०४७ सालमा भएको विद्यार्थी संगठनको एघारौँ महाधिवेशनबाट अखिल (क्रान्तिकारी)का संयोजक चुनिएका देवेन्द्र पौडेल २०४८ सालमा विभिन्न पाँच विद्यार्थी सङ्गठन मिलेर बनेपछि अध्यक्ष भएका थिए । साबिक माओवादीका सचिव रहेका पौडेल नेकपाका प्रभावशाली नेता हुन् । २०७९ सालको निर्वाचनमा बागलुङ–२ बाट उनी प्रतिनिधि सभा सदस्यमा निर्वाचित भएका थिए । पूर्वशिक्षामन्त्री समेत रहेका उनी प्रखर वक्ता र अध्ययनशील नेता मानिन्छन् । २०३६ सालदेखि वामपन्थी राजनीतिमा सक्रिय पौडेल २०६८ सालमा तत्कालीन प्रधानमन्त्री डा.बाबुराम भट्टराईका राजनीतिक सल्लाहकार थिए ।

२०७४ सालमा बागलुङ–२ बाट निर्वाचित भएका उनी शिक्षा, विज्ञान तथा प्रविधिमन्त्री बने । पौडेल एमाले र माओवादी मिलेर बनेको तत्कालीन नेकपाको स्कुल विभागका उपप्रमुख थिए । यो पटक साबिक निर्वाचन क्षेत्र छाडेर नवलपरासी–२ बाट उम्मेदवारी दिएका छन् ।