उदय शंशेर ज.ब.राणा (Uday Samsher J.B.Rana)

गत पुसमा भएको विशेष महाधिवेशनबाट नेपाली कांग्रेसको सहमहामन्त्री चुनिएका उदय शमशेर राणा ललितपुर–१ बाट प्रतिनिधिसभा सदस्यमा उम्मेदवार छन् । वि.सं. २०२६ साल फागुन १६ गते पिता सगर राणा र माता ब्रिन्दा राणाको कोखबाट जन्मिएका राणा ०७९ को प्रतिनिधिसभा निर्वाचनमा  ललितपुर–१ बाटै निर्वाचित भएका थिए । 

अमेरिकाकाको कर्नेल विश्वविद्यालयबाट स्नातकोत्तर गरेका राणाले प्रारम्भिक शिक्षा सेन्ट जेभियर्स स्कूल (जावलाखेल) र सेन्ट जोसेफ कलेज (दार्जिलिङ)बाट तथा उच्च शिक्षा द लरेन्स स्कूल (सनावर, भारत) बाट गरेका थिए । स्नातक दिल्ली विश्वविद्यालयको सेन्ट स्टीफन्स कलेजबाट पास गरेका थिए । 

राणा भारतमा अध्ययनरत रहँदा नेपाल विद्यार्थी संघ (नेविसंघ), दिल्लीका प्रथम अध्यक्ष हुन्।  नेपाल फर्किएपछि राजनीतिमा संलग्न भएर २०६८ सालमा कांग्रेसको भ्रातृसंस्था तरुण दलको केन्द्रीय अध्यक्ष भए । 

कांग्रेसको १४ औँ महाधिवेशनबाट केन्द्रीय सदस्य र विशेष महाधिवेशनबाट सहमहामन्त्री भएका राणा २०७३ मा शेरबहादुर देउवा नेतृत्वको सरकारमा अर्थराज्यमन्त्री बने ।  राणा २०७० र ०७९ सालको निर्वाचनमा ललितपुर–१ बाट प्रतिनिधिसभा निर्वाचित भएका थिए ।