रन्जित तामाङ (Ranjit Tamang)
उम्मेदवारको व्यक्तिगत विवरण
|
|
नेपाली कम्युनिष्ट पार्टी |
|
|
प्रतिनिधिसभा |
|
|
0
votesAbout Candidate
कमल गाउँपालिका–१ झापामा २०३९ माघ १९ गते जन्मिएका रञ्जित तामाङ २०७४ भदौमा भएको २१औँ राष्ट्रिय सम्मेलनबाट अनेरास्ववियु (क्रान्तिकारी) अध्यक्षमा निर्वाचित भएका थिए । उनी आन्तरिक प्रतिस्पर्धाबाट निर्वाचित भएका पहिलो अध्यक्ष हुन् । प्रारम्भिक शिक्षा नजिकैको श्री बाँसबारी निम्न माध्यमिक विद्यालयबाट सुरु गरेका तामाङले एसएलसी तत्कालीन तोपगाछी–२ स्थित श्री महेन्द्ररत्न माध्यमिक विद्यालयबाट उत्तीर्ण गरे । महेन्द्र मोरङ कलेज विराटनगरबाट आईए पूरा गरेका उनले काठमाडौँको प्रदर्शनी मार्गस्थित रत्नराज्यलक्ष्मी क्याम्पसबाट स्नातक र त्रिभुवन विश्वविद्यालयबाट राजनीति शास्त्रमा स्नातकोत्तर अध्ययन पूरा गरेका छन् ।
विद्यालय जीवनदेखि नै राजनीतिमा सक्रिय उनी चर्चित युवाका नेता हुन् । विद्यार्थी आन्दोलनलाई नयाँ दिशा दिन सफल भएका तामाङले सडक संघर्षमा अग्रणी नेतृत्व गरेका थिए । हाल नेपाली कम्युनिस्ट पार्टीका केन्द्रीय सदस्य रहेका उनी झापा जिल्ला इञ्चार्जका रूपमा क्रियाशील छन् । तामाङले पहिलो पटक संघीय प्रतिनिधिसभा निर्वाचनमा भाग लिन लागेका हुन् ।
