दामोदर पौडेल वैरागी (Damodar Poudel Bairagi)

कास्कीको सल्यानका दामोदर पौडेल ‘बैरागी’ मजदुर आन्दोलनबाट उदाएका अनुभवी वामपन्थी नेता हुन्। ५९ वर्षीय बैरागीले चार दशकभन्दा बढी समय मजदुर, किसान र श्रमजीवी वर्गको अधिकारका लागि संघर्ष गर्दै राष्ट्रिय राजनीतिमा पहिचान बनाएका छन्। जिफन्टमार्फत मजदुर आन्दोलनको नेतृत्व गर्दै कुशल संगठकका रूपमा स्थापित भएका उनले नेकपा (एमाले) कास्कीको संगठन विभाग प्रमुख र जिल्ला सचिवको जिम्मेवारी निर्वाह गरेका थिए। २०७९ सालको निर्वाचनमा कास्की क्षेत्र नम्बर ३ बाट प्रतिनिधिसभा सदस्य निर्वाचित भएका उनी अहिले पुनः सोही क्षेत्रबाट उम्मेदवार बनेका छन्। पर्यटन प्रवर्द्धन, कृषि आधुनिकीकरण, सुकुम्बासी समस्या समाधान तथा श्रमिक र उत्पीडित वर्गको जीवनस्तर सुधार उनको मुख्य एजेन्डा हो।