खडक राज पौडेल (Khadak Raj Poudel)

गनेस पौडेलकाे नामले परिचित खडकराज पाैडेल पोखरा–१४ मझेरीपाटनका लेखक, शिक्षक र सामाजिक अभियन्ता हुन् । अंग्रेजी साहित्यमा स्नातक तथा पोखरा विश्वविद्यालयबाट बिजनेस एडमिनिस्ट्रेसन (एमबिए) गरेका उनले १५ वर्षभन्दा बढी शिक्षण अनुभव सँगालेका छन् । उनी पोखरामा ‘¥यान्डम रिडर्स सोसाइटी’मार्फत पठन संस्कृतिको विकास गर्ने अभियानका परिकल्पनाकारका रूपमा पनि चिनिन्छन् । ‘पैताला’जस्तो प्रयोगवादी उपन्यासमार्फत साहित्यमा ‘एब्सर्ड’ चेत भित्र्याएका पौडेलले परम्परागत राजनीतिक संस्कृतिको आलोचना गर्दै ‘विचारले जित्ने, चरित्रले टिक्ने’ वैकल्पिक राजनीतिको पक्षमा आफूलाई उभ्याएका छन् । उनी ‘अटेरी’ अभियानका प्रवर्तकका रूपमा समेत परिचित छन्, जसलाई उनले सत्ता र शक्तिको दुरुपयोगविरुद्ध नागरिकस्तरको सविनय अवज्ञाको रूपमा व्याख्या गर्ने गरेका छन् । हाल उनी राष्ट्रिय स्वतन्त्र पार्टीका केन्द्री सदस्य हुन् ।