राजेन्द्र प्रसाद पाण्डे (Rajendra Prasad Pandey)

नेकपाका चर्चित नेता राजेन्द्र पाण्डे अहिले नेकपाबाट धादिङ–१ बाट उम्मेदवार बनेका छन् । सानै उमेरदेखि एमालेबाट राजनीतिमा लागेका पाण्डेले २०४८, २०५१, २०५६ सालको निर्वाचनमा विजयी भएका थिए । २०६४ सालमा माओवादीका शालिकराम जम्मकट्टेलसँग पराजित भए । २०७० सालमा सोही क्षेत्रबाट पाण्डे निर्वाचित भए । 

२०७४ सालमा प्रदेशसभा सदस्यमा निर्वाचित भएका उनी २०७८ सालमा बागमती प्रदेशका मुख्यमन्त्री बने । २०७९ सालमा साबिक निर्वाचन क्षेत्रबाट नै निर्वाचित भएका पाण्डे अहिले २०४८ यता ८औँ पटक चुनावी प्रतिस्पर्धामा उत्रिएका छन् । प्रभावशाली नेता मानिएका उनी २०७८ सालमा एमाले विभाजन हुँदा एकीकृत समाजवादीमा गएका थिए । 

पूर्वस्थानीय विकासमन्त्री रहेका पाण्डे गतवर्ष एकीकृत समाजवादीको १०औँ महाधिवेशनबाट वरिष्ठ उपाध्यक्षमा निर्वाचित भएका थिए । ६९ वर्षका पाण्डेको घर धादिङको गजुरी गाउँपालिका छेपाङ पर्छ ।